საქართველოს ეროვნული მუზეუმი, საქართველოს მუზეუმების უდიდესი გაერთიანება, სამეცნიერო, საგანმანათლებლო და კულტურული ცენტრი.
იგი დაარსდა საქართველოს პრეზიდენტის 2004 წლის 30 დეკემბრის ბრძანებულებით.
მის შემადგენლობაში შედის:
სიმონ ჯანაშიას საქართველოს მუზეუმი
სამცხე-ჯავახეთის ივანე ჯავახიშვილის სახელობის სახელმწიფო მუზეუმი
გიორგი ჩიტაიას სახელობის ქართული ხალხური ხუროთმოძღვრებისა და ყოფის სახელმწიფო მუზეუმი (მუზეუმი ღია ცის ქვეშ)
შალვა ამირანაშვილის სახელობის ხელოვნების სახელმწიფო მუზეუმი
ფილიალები:
ელენე ახვლედიანის სახლ-მუზეუმი
მოსე თოიძის სახლ-მუზეუმი
ლადო გუდიაშვილის სახლ-მუზეუმი
იაკობ ნიკოლაძის სახლ-მუზეუმი
უჩა ჯაფარიძის სახლ-მუზეუმი
საბჭოთა ოკუპაციის მუზეუმი
ბევრი რომ არ ვილაპარაკო, მუზეუმი ძალიან საინტერესოა, თუმცა სამწუხაროდ ვერ ვნახე ყველა ექსპონატი.
მაგალითად რაც ერთ-ერთი მთავარი სანახავია მუზეუმში არის ეროვნული საგანძური, სამწუხაროდ დიდი რიგი იყო და სხვა მუზეუმებიც მქონდა სანახავი ამიტომ
გამოვტოვე მაგრამ საშუალება თუ გექნებათ აუცილებლად უნდა მოინახულოთ, თუმცა როგორც გავიგე ფოტოების გადაღება აკრძალულია ექსპონანტებზე. ჩემი პერსონალური რჩეული იყო საბჭოთა ოკუპაციის განყოფილება, სადაც ქრონოლოგიურად იყო წარმოდგენილი საბჭოთა ოკუპაციის პერიოდი. წარმოდგენილი იყო ვაგონი სადაც დახვრიტეს ხალხი. და მეორე სართულზე წარმოდგენილია მნიშვნელოვანი საბჭოთა დოკუმენტები მათ შორის სხვადასხვა შპიიონების მიერ გაკეთებული ჩანაწერები.
ქართული სახვითი ხელოვნების მუზეუმი / Georgian Museum of Fine Arts
ქართული სახვითი ხელოვნების მუზეუმში, რომელიც 2018 წლის 2 ოქტომბერს გაიხსნა, მისი დამფუძნებლების, გია ჯოხთაბერიძისა და მანანა შევარდნაძის ოჯახის კერძო კოლექციაა გამოფენილი. მუზეუმში წარმოდგენილია, 1945 წლიდან დღემდე, 80–მდე ხელოვანის 3500–მდე ნამუშევარი.კოლექციაში ოთხმოცამდე ავტორის 3500 ნამუშევარია. ისინი მუზეუმის მესამე, მეოთხედა მეხუთე სართულებზე 31 დარბაზში და 3 კიბის უჯრედში, თანამედროვე მოთხოვნების შესაბამის განათების, ტემპერატურულ რეჟიმისა და კონდენცირების პირობებში, მუდმივ ექსპოზიციაშია წარმოდგენილი. დარბაზები 7000 მ² მოიცავს.[1] მუზეუმში ექსპოზიცია ქრონოლოგიურად არის დალაგებული სართულებზე. ასევე ქრონოლოგიურად არის წარმოდგენილი ცალკეულ მხატვართა ნამუშევრების ექსპოზიციაც, რაც მხატვრის განვითარების სხვადასხვა პერიოდს აჩვენებს.რაც შეეხება ჩემს პერსონალურ აზრს, მუზეუმი ძალიან საინტერესოა, უამრავი კარგი ექსპონანტია და კარგად დასათვალიერებლად დაგჭირდებათ საკმაოდ დიდი დრო.რამოდენიმე ფოტო:
Art Museum of Georgia / საქართველოს ხელოვნების მუზეუმი
შალვა ამირანაშვილის სახელობის ხელოვნების სახელმწიფო მუზეუმი (შემოკლებით ხელოვნების მუზეუმი) — საქართველოს ეროვნული მუზეუმის შემადგენელი ერთეული, წარმოადგენს ხელოვნების ნიმუშთა უდიდეს სახელმწიფო საცავ-მუზეუმს საქართველოში.მუზეუმში ინახება ქართული ხელოვნების ნიმუშები უძველესი დროიდან დღემდე. ფართოდ არის წარმოდგენილი VIII-XIX სს. ქართული ოქრომჭედლობა (ზარზმის ფერისცვალების ხატი, ბედიის ბარძიმი, ანჩისხატისა და ხახულის კარედები, თამარ მეფის ჯვარი, ლაკლაკიძეების ხატი და სხვ.); VIII-XV სს. ტიხრული მინანქრები, საიუველირო ნაწარმი, მხატვრული ქსოვილები. ძველი ქართული ხელოვნების ფონდში შედის შუა საუკუნეების ქართლი არქიტექტურის, მონუმენტური ფერწერისა და მოზაიკის, ქანდაკების, ხატწერის, ხეზე კვეთილობის ნიმუშები. მდიდარია ახალი და თანამედროვე ქართული ფერწერისა და ქანდაკების ნიმუშთა კოლექცია (ნ/ ფიროსმანის, ა. ბერიძის, რ. გველესიანის, შ. ქიქოძის, ა. მრევლიშვილის, გ. გაბაშვილის, ი. ნიკოლაძის, ნ. კანდელაკის, მ. თოიძის, ლ. გუდიაშვილის, დ. კაკაბაძის, ქ. მაღალაშვილის, ე. ახვლედიანის, ს. ქობულაძის და სხვ. ნაწარმოებები)ჩემი აზრით კარგი ატმოსფერო იყო ყურადღება მიიპყრო ნიკო ფიროსმანის ექსპონანტმა, რადგან არ ვიცოდი აქ თუ იყო წარმოდგენილი.
ილია ჭავჭავაძის მუზეუმი / Ilia Chavchavadze Literary-Memorial Museum
ილია ჭავჭავაძის ლიტერატურულ-მემორიალურ მუზეუმში დაცულია ილია ჭავჭავაძის ცხოვრებასა და მოღვაწეობასთან დაკავშირებული სხვადასხვა სახის მასალა: მემორიალური ნივთები, პირადი არქივები, მის მიერ შექმნილი ნაწარმოებების სხვადასხვა გამოცემა, აგრეთვე მისი შემოქმედებისა და ცხოვრება-მოღვაწეობისადმი მიძღვნილი ლიტერატურა: სამეცნიერო შრომები, მონოგრაფიები, სტატიები, ნარკვევები დოკუმენტური და ფოტო მასალა, სახვითი ხელოვნების ნიმუშები და სხვა.სამწუხაროდ ამ მუზეუმის ფოტოები არ მაქვს, რადგან სხვა ივენთი იყო დაჯავშნილი ამიტომ გიდს სწრაფად მოუწია დამთავრება ტურის და აღარ დაგვრჩა დრო ფოტოების გადაღებისთვის.
თუმცა ამის მიუხედავად მუზეუმი ძალიან საინტერესოა და აუცილებლად უნდა მოინახულოთ.
